Engir blaðamenn í boði Baugs á Pressunni

Framkvæmdastjóri Pressunnar segir í yfirlýsingu, vegna orða Arnþrúðar Karlsdóttur, útvarpsstjóra Útvarps Sögu, að engir styrktaraðilar hafi nokkru sinni kostað störf einstakra blaðamanna á Pressunni, hvorki Baugur Group né aðrir.

Yfirlýsingin er eftirfarandi:

Vegna ummæla Arnþrúðar Karlsdóttur á Útvarpi Sögu vill Pressan.is taka fram, að engir styrktaraðilar hafa nokkru sinni kostað störf einstakra blaðamanna á Pressunni, hvorki Baugur Group né aðrir. Aðdróttunum um slíkt er algjörlega vísað á bug sem ósönnum og rakalausum þvættingi.
 
Fh. Pressunnar
Arnar Ægisson framkvæmdastjóri

Arnþrúður hélt því fram í morgun, m.a. í viðtali við mbl.is, að Baugsmenn kosti blaðamenn á ýmsum fjölmiðlum í dag, til að mynda Pressunni.