Borgin eins og á virkum degi

Rólegt var hjá lögreglunni á höfuðborgarsvæðinu í nótt. Að sögn vakthafandi lögreglumanns var borgin eins og á virkum degi en það mun vera venjan að um Verslunarmannahelgina sé lítið um að vera.

Fjórir til fimm gistu fangageymslur. Var þar um að ræða ofurölvi fólk og góðkunningja lögreglunnar.

Tónlistarhátíðin Innipúkinn setti ekki strik í reikninginn að sögn lögreglu og komu engin eða fá mál til kasta hennar á hátíðinni eða í tengslum við hana.

Tíðindalítið var hjá slökkviliðinu á höfuðborgarsvæðinu. Undir morgun var þó tilkynnt um eld í blaðagámi.

• 1 blogg um fréttina

Bloggað um fréttina

• Ómar Ragnarsson: Friðsælasti staðurinn ?