Innlent | mbl | 1.8.2010 | 19:15 | Uppfært 19:33

„Farið hefur fé betra“

Atli Gíslason

„Ég segi bara: Farið hefur fé betra,“ sagði Atli Gíslason, þingmaður Suðurkjördæmis og nefndarmaður í iðnaðarnefnd Alþingis, um þau orð Ross Beaty, forstjóra Magma Energy að fyrirtækið íhugi að seinka eða hætta við kaup á HS Orku.

„Það þyrfti að skoða nákvæmlega hverjir standa á bakvið þetta fyrirtæki, hvort það sé ekki gamli REI-hópurinn og Geysir Green-mennirnir og fleiri,“ sagði Atli.

Hann segir þekkt að þegar ríki lendi í fjármálaerfiðleikum komi „hákarlar“ sem vilji ná undir sig auðlindum og öðru. „Þetta eru hákarlar sem eru að koma inn - ég held að þeir ættu að einbeita sér að öðru en Íslandi,“ sagði Atli.