Mörg hundruð hafa blásið

Lögreglan á Hvolsvelli hefur verið með eftirlit í Landeyjahöfn í allan dag og verður áfram í nótt en Herjólfur siglir nú nótt og dag með Þjóðhátíðargesti. Mörg hundruð manns hafa blásið í áfengismæla og margir orðið að bíða áður en þeir töldust ökufærir.

Það voru einkum farþegar í fyrstu ferðunum í morgun sem enn voru nokkuð rykaðir eftir hátíðarhöldin og þurftu að láta renna betur af sér. Eftir því sem liðið hefur á daginn hefur ástandið verið betra og flestir verið í lagi, að sögn lögreglunnar. 

Í Landeyjahöfn er nú rigning og dumbungur yfir, nokkuð blæs og sjórinn svolítið úfinn en ekki stórsjór. 

• 2 blogg um fréttina

Bloggað um fréttina

• Halldór Sigurðsson: Og bátur fór frá Reykajvík í dag - myndir
• Haraldur Haraldsson: Mörg hundruð hafa blásið/það borgar sig dýrt er að vera …