Nóttin tíðindalítil

Skemmtanahald fór víðast hvar vel fram í gærkvöldi og nótt. Á Akureyri voru útitónleikar í gærkvöldi og fór allt vel fram í veðurblíðu. Tveir voru teknir fyrir ölvunarakstur í bænum en að öðru leyti var þessi síðasta nótt verslunarmannahelgarinnar mjög góð að sögn lögreglu.

Á Ísafirði lauk Mýrarboltahátíðinni með stórdansleik í gærkvöldi og var nokkur ölvun og erilsamt hjá lögreglu í nótt.

Unglingalandsmótinu í Borgarnesi var slitið í gærkvöldi og lauk helginni með stórri flugeldasýningu um miðnættið en að henni lokinni var nokkur umferð út úr bænum og augljóst að margir landsmótsgestir vildu komast heim í þurru en spáð er rigningu í Borgarnesi í dag.

Að sögn lögreglunnar í Vestmannaeyjum fór skemmtanahald í Herjólfsdal ágætlega fram í nótt, gleðin stóð yfir fram undir morgun en upp úr klukkan fimm hóf að rigna og mun þá hafa „slokknað" í mannskapnum.

Enn rignir talsvert í Vestmannaeyjum en þó er útlit er fyrir að hægt verði að halda uppi flugi milli lands og Eyja.

• 2 blogg um fréttina

Bloggað um fréttina

• Ómar Ragnarsson: Mesti ekkifréttatími ársins?
• Haraldur Haraldsson: Nóttin tíðindalítil/gott mál þetta ef allir koma heilir heim,og allr …