Segja frumvarp draga úr samkeppni

Samkeppniseftirlitið gerir alvarlegar athugasemdir við frumvarp um breytingar á búvörulögum þar sem fyrirhugað er að lögfesta refsifyrirkomulag gagnvart tilteknum rekstraraðilum sem hafa hug á að framleiða mjólkurvörur fyrir íslenska neytendur. Þetta kemur fram í umsögn Samkeppniseftirlitsins sem send hefur verið sjávarútvegs- og landbúnaðarnefnd.

Telur Samkeppniseftirlitið að með frumvarpinu sé verið að þrengja enn frekar að samkeppni en áður og samkeppnishömlur festar enn frekar í sessi.

Með lagafrumvarpinu sé verið að festa í sessi alvarlegar samkeppnishömlur sem á heilbrigðum samkeppnismarkaði fæu í sér brot á samkeppnislögum og mikinn skaða fyrir almenning. „Frumvarpið felur því í sér að mati Samkeppniseftirlitsins alvararlegar aðgangshindranir, hefur hamlandi áhrif á framleiðslu- og hagræðingarmöguleika bænda og takmarkar samkeppni í vinnslu og sölu mjólkurafurða neytendum til tjóns."

Sjá nánar hér 

• 2 blogg um fréttina

Bloggað um fréttina

• Þorsteinn H. Gunnarsson: Erfiðir tímar hjá bændum
• Björn Birgisson: Algjör falleinkunn