Ætla að stöðva flugið

Slökkviliðsmenn af höfuðborgarsvæðinu eru lagðir af stað til Húsavíkur, en þeir ætla sér að koma í veg fyrir að flug, sem fara átti um Akureyrarflugvöll, verði flutt til Húsavíkur meðan á verkfalli þeirra stendur.

Landssamband slökkviliðs- og sjúkraflutningamanna telur að ákvörðun um að flytja flug frá Akureyri til Húsavíkur sé skýrt verkfallsbrot.  Slökkviliðsmenn af höfuðborgarsvæðinu og slökkviliðsmenn frá Akureyri ætla að koma í veg fyrir að hægt verði að fljúga til Húsavíkur meðan á verkfalli stendur.

Samninganefndir deiluaðila hafa setið á fundi hjá ríkissáttasemjara frá því kl. 12 á hádegi. Fundi var ekki lokið um miðnætti. Verkfall hefst kl. 8 hafi samningar ekki tekist fyrir þann tíma.

• 2 blogg um fréttina

Bloggað um fréttina

• Sigurður Haraldsson: Það er ekki annað.
• Sigurjón Benediktsson: Enginn verkfallshugur í Þingeyingum