Hleypa farþegum ekki út

Slökkviliðsmenn fjöl­menntu á Reykja­vík­ur­flug­völl þar sem flug­vél á veg­um Flug­fé­lags Íslands á að leggja af stað til Húsa­vík­ur klukk­an 14. Hafa slökkviliðsmenn af­hent farþegum miða með upp­lýs­ing­um um ör­ygg­is­mál. Þá stilltu þeir sér upp í út­göngu­hliði flug­stöðvar­inn­ar og hleypa farþegum ekki út.

Árni Gunn­ars­son, fram­kvæmda­stjóri Flug­fé­lags Íslands, hef­ur rætt við full­trúa slökkviliðsmanna í flug­stöðvar­bygg­ing­unni. Slökkviliðsmenn hafa til­kynnt farþegum í gegn­um gjall­ar­horn á ís­lensku og ensku, að flug til Húsa­vík­ur sé verk­falls­brot. Rúm­lega fimm­tíu farþegar eiga bókað flug til Ak­ur­eyr­ar klukk­an 14. 

Slökkviliðsmenn halda því fram, að það sé verk­falls­brot að flytja flugið frá Ak­ur­eyr­arflug­velli, þar sem slökkviliðsmenn eru í verk­falli, til Húsa­vík­ur eins og Flug­fé­lag Íslands hef­ur gert á verk­falls­dög­um slökkviliðsmanna.

Slökkviliðsmenn stilltu sér upp við út­göngu­hliðin í flug­stöðvar­bygg­ing­unni. mbl.is/​Ern­ir

• 4 blogg um frétt­ina

Bloggað um frétt­ina

• Har­ald­ur Bjarna­son: Hvað með aðra flug­velli?
• Sig­ur­jón Bene­dikts­son: Eru líf okk­ar og lim­ir í hönd­um svona manna?
• Sum­arliði Ein­ar Daðason: Áfram slökkviliðsmenn!
• Páll Vil­hjálms­son: Slökkviliðsmenn sjálf­um sér verst­ir