Vélarvana gúmbáti bjargað

Skemmtibáturinn RibSafari í Vestmannaeyjum kom vélarvana gúmbáti til aðstoðar nú í kvöld. Þrír menn voru á siglingu á Zodiac gúmbáti þegar drapst á vél bátsins vestur af Stórhöfða.

Þeir hringdu á Neyðarlínuna sem kallaði út björgunarsveitina í Vestmannaeyjum.

RibSafari var nærstaddur og kom fyrr á vettvang og tók gúmbátinn í tog til hafnar í Vestmannaeyjum.

Mennina í gúmbátnum sakaði ekki.

Gúmbáturinn var staddur nokkuð nálægt landi og er ágætisveður þar sem óhappið varð en hann var farinn að reka frá landi þegar skemmtibáturinn náði til hans.

• 1 blogg um fréttina

Bloggað um fréttina

• Gísli Foster Hjartarson: Ribarar á tánum!