Fordæmir nafn- og myndbirtingu

Lögmaður mannsins, sem var um tíma í haldi lögreglu vegna rannsóknar á morðmáli, fordæmir að tilteknir fjölmiðlar hafi birt nafn mannsins og mynd af honum. Manninum var sleppt úr haldi í dag.

Yfirlýsingin, sem Guðrún Sesselja Arnardóttir, hrl., sendi frá sér nú síðdegis, er eftirfarandi:

Undirrituð var kölluð til sem verjandi ungs manns vegna manndrápsmáls í Hafnarfirði um helgina.  Að gefnu tilefni skal áréttað, að skjólstæðingi mínum hefur verið sleppt úr haldi lögreglu, án þess að farið hafi verið fram á gæsluvarðhald yfir honum. 

Það ber að fordæma þau forkastanlegu vinnubrögð sem ákveðnir fjölmiðlar hafa viðhaft í þessu máli og þá sérstaklega ótímabæra nafn- og myndbirtingu af skjólstæðingi mínum.  Gera verður þá kröfu til fjölmiðla að þeir hafi í heiðri þá meginreglu réttarfarslaga að maður sé saklaus uns sekt telst sönnuð og á það sérstaklega við þegar hvorki hefur verið farið fram á gæsluvarðhald yfir viðkomandi, né heldur gefin út ákæra.

• 5 blogg um fréttina

Bloggað um fréttina

• Ólafur Tryggvason Þorsteinsson: Ómerkingar
• Þórður Guðmundsson: Ósáttur bara
• Anna Sigríður Guðmundsdóttir: Fyrir hvern er lögreglan látin vinna á Íslandi?
• Halldór Halldórsson: Skítakleprarnir samir við sig!
• Guðrún María Óskarsdóttir.: Fjölmiðlun sem er til háborinnar skammar fyrir okkar samfélag.