Helgi Þór forstjóri OR

Á fundi í stjórn Orkuveitu Reykjavíkur nú í kvöld var staðfest samkomulag stjórnarformanns við Hjörleif B. Kvaran, forstjóra Orkuveitunnar, frá því fyrr í dag um starfslok forstjóra. Hjörleifur lætur af störfum þegar í stað.

Samkomulagið var samþykkt með 3 samhljóða atkvæðum en þrír sátu hjá. Í bókun segir, að Orkuveita Reykjavíkur standi á tímamótum og staða fyrirtækisins kalli á umfangsmiklar breytingar í áherslum, rekstri og stjórnun.

Jafnframt samþykkti stjórnin að stjórnarformaður hæfi undirbúning að ráðningu nýs forstjóra, meðal annars með gerð starfslýsingar og auglýsingar um starfið.

Helgi Þór Ingason er 45 ára, dósent í véla- og iðnaðarverkfræði og forstöðumaður meistaranáms í verkefnastjórnum í Háskóla Íslands.
Hann lauk M.Sc. prófi í véla- og iðnaðarverkfræði frá Háskóla Íslands 1991, doktorsprófi í framleiðsluferlum í stóriðju frá tækniháskólanum í Þrándheimi 1994 og SCPM prófi í verkefnastjórnun frá Stanfordháskóla 2009. Hann hefur hlotið alþjóðlega vottun  sem verkefnisstjóri.

Helgi Þór Ingason.

• 6 blogg um fréttina

Bloggað um fréttina

• Axel Jóhann Axelsson: Kostir sem forstjóri OR má alls ekki vera búinn
• Ingólfur Ásgeir Jóhannesson: Hvaða fríðindi fær nýr forstjóri Orkuveitu Reykjavíkur?
• Páll Vilhjálmsson: Mafíuvæðingu OR lokið eða nýr kafli?
• Sigurjón Sveinsson: Flott ráðstöfun
• Ómar Gíslason: Þörf breyting eða bara sama gamla góða KLÍKAN
• Einar Guðjónsson: Þessi frétt var tímabundið tekin út en er komin aftur.