Maðurinn látinn laus

Maður,  sem hefur verið í haldi lögreglu síðan í gær í tengslum við rannsókn á andláti Hannesar Þórs Helgasonar, hefur verið látinn laus. Ekki þóttu efni til að krefjast gæsluvarðhalds yfir manninum.

Lögreglan á höfuðborgarsvæðinu segir að rannsókn málsins haldi áfram en á fjórða tug lögreglumanna vinni að henni. Lögreglan segir að fjölmargir hafi verið yfirheyrðir og þeirri vinnu sé ekki lokið.

Tæknirannsókn á vettvangi er langt komin og önnur gagnaöflun í fullum gangi. Fjöldi ábendinga hafa borist frá almenningi og verið er að vinna úr þeim eftir því sem tilefni er til, að sögn lögreglunnar.

• 3 blogg um fréttina

Bloggað um fréttina

• Brjánn Guðjónsson: Hýenufréttamennska
• Anna Sigríður Guðmundsdóttir: Hef þakkað fyrir DV en ekki yfirstjórn lögreglunnar (mafíu-dómskerfisins á …
• Magnús Helgi Björgvinsson: Mannorðsmorð!