Festu jeppa á vaði

Björgunarfélag Hornafjarðar kom fólki til aðstoðar sem fest hafði jeppabifreið úti í Jökulsárlóni á níunda tímanum í kvöld.

Fólkið var á ferð inn með Laxárdal, á slóða sem liggur upp í Kollumúla og þarf að keyra yfir nokkur vöð. 

Að sögn lögreglunnar á Höfn eru vöðin breytileg og miserfið og vildi svo illa til að jeppinn festist úti í vatni á einu vaðinu. 

Þrennt var í bílnum og óðu þau í land og biðu þar aðstoðar. Þeim varð ekki meint af en voru orðin nokkuð köld þegar björgunarsveitarmenn bar að. 

Þeir kipptu bifreiðinni á þurrt og er hún óskemmd.

• 1 blogg um fréttina

Bloggað um fréttina

• Sigurður Óskar Jónsson: Leiðrétting