Gæsaveiðitímabilið hafið

Veiðitímabil á grágæs og heiðagæs hefst í dag. Helsingja er leyfilegt að veiða frá 1. september utan Skaftafellssýslna en þar má ekki veiða helsingja fyrr en 25. september. 

Fram kemur á vef Umhverfisstofnunar, að tilgangur friðunar á helsingja í Skaftafellssýslum sé að vernda þann varpstofn sem hefur verið að ná fótfestu á undanförnum árum. Helsingi verpi ekki á Íslandi nema í Skaftafellssýslum svo vitað sé og þyki því sérstök ástæða til þess að veiðimenn sýni aðgát á þessu svæði. Blesgæs er áfram friðuð eins og undanfarin ár.

Grágæsastofninn er áætlaður 100.000 fuglar, heiðagæsastofninn 350.000 fuglar og helsingjastofninn 70.000 fuglar.  Þessar áætlanir miðast við talningar 2008.

• 1 blogg um fréttina

Bloggað um fréttina

• Ólafur Ragnarsson: "rangir steggir"