Nefnd mun rannsaka lífeyrissjóðina

Sérstök rannsóknarnefnd, sem skipuð er af ríkissáttasemjara, mun á næstunni gera úttekt á starfssemi lífeyrissjóðanna í aðdraganda bankahrunsins 2008. Skoðuð verður fjárfestingastefna lífeyrissjóðanna, ákvarðanataka og lagalegt umhverfi þeirra.

Landssamband lífeyrissjóða óskaði sjálft eftir því í júní að skipa þriggja manna nefnd „óháðra, óvilhallra og hæfra einstaklinga" til að fara með rannsóknina. Ríkissáttasemjara var falið að tilnefna þrjá einstaklinga í nefndina og hafa þeir nú verið skipaðir. Hrafn Bragason lögfræðingur og fyrrverandi hæstaréttardómari verður formaður nefndarinnar, en auk hans sitja í henni þau Guðmundur Heiðar Frímannsson, siðfræðingur og prófessor við Háskólann á Akureyri, og Katrín Ólafsdóttir, hagfræðingur og lektor við Háskólann í Reykjavík.

Þá hefur nefndin ráðið Kristján Geir Pétursson lögfræðing sem starfsmann nefndarinnar. Gert er ráð fyrir því að nefndin ljúki störfum með útgáfu skýrslu til stjórnar Landssamtaka lífeyrissjóða fyrir árslok 2010.

• 6 blogg um fréttina

Bloggað um fréttina

• Guðbjörn Jónsson: Uppskrift útrásarvíkinganna
• Ægir Óskar Hallgrímsson: Kominn tími til!!
• Ingvi Rúnar Einarsson: Allar aðilar nefndar,þurfa nefndir til að rannsaka nefndir.
• Guðrún María Óskarsdóttir.: Hvaða umboð hefur ríkissáttasemjari til að skipa þessa rannsóknarnefnd ?
• Sigurður Jónsson: Eiga Lífeyrissjóðir að standa í áhættusömum fyrirtækjarekstri?
• Tryggvi Þórarinsson: Gott að rannsaka lífeyrissjóði og í leiðinni kaup þeirra á …