Krefjast eigendafundar í OR
Setja bókamerki
Bæjarráð Akraness og byggðarráð Borgarbyggðar samþykktu í síðustu viku að óska eftir eigendafundi í Orkuveitu Reykjavíkur. Fram kemur á vef Skessuhorns, að þessi ósk komi fram í kjölfar yfirlýsinga stjórnarformanns OR um breytta stefnu í rekstri fyrirtækisins vegna atbeina borgarstjóra, brottvikningu forstjóra og ýmissa annarra stjórnarhátta án samráðs við eigendur Orkuveitunnar.
„Það er ekki síst mikilvægt á þessum viðsjárverðu tímum að haft sé samráð við alla aðila og sátt ríki um hlutina,“ segir Guðmundur Páll Jónsson við Skessuhorn. Guðmundur á í eigendanefnd OR ásamt Birni Bjarka Þorsteinssyni frá Borgarbyggð og fulltrúum Reykjavíkurborgar, m.a. Hönnu Birnu Kristjánsdóttur, Degi B. Eggertssyni og Jóni Gnarr borgarstjóra.
Akraneskaupstaður á rúmlega 5,6% í Orkuveitu Reykjavíkur en sameignarsamningur gerir ráð fyrir að eignaraðili yfir 5% geti krafist eigendafundar. Borgarbyggð á 0,93% í Orkuveitunni.
Sólveig Anna furðar sig á aðferðum kennara
Hraunið við bílastæði Bláa lónsins
„Má segja að þetta gos hafi þjófstartað“
Yfir 300 stæði fóru undir hraun
Líklega komin á seinni hluta hrinunnar í Svartsengi
Börn hafi engan rétt á leikskólakennslu
Nýtt fangelsi í landi Stóra-Hrauns tilbúið 2028