Reyklosun meðan á viðgerð stendur

Í tilkynningu sem Elkem Ísland ehf. hefur sent Umhverfisstofnun segir að viðgerð á viftu við reykhreinsivirki ofns 3 í járnblendiverksmiðjunni á Grundartanga muni taka allt að sólarhring.

Á meðan verði að keyra ofninn með opna skorsteina og því verði reyklos á meðan á viðgerðinni stendur.

Í tilkynningunni segir: „Í kvöld varð bilun í legu í annarri aðalviftu við reykhreinsivirki ofns 3 hjá ELKEM Ísland ehf. Talið er að viðgerð taki allt að sólarhring. Meðan á viðgerð  stendur verður að keyra ofninn með opna skorsteina. Því verður reyklos meðan á viðgerð stendur.“ 

Sjónarvottar urðu varir við mikinn reyk sem lagði upp af járnblendiverksmiðjunni í gær og reyndist bilunin vera orsökin. Búast má við að áfram verði mikill reykur yfir verksmiðjunni í dag.

• 2 blogg um fréttina

Bloggað um fréttina

• Ingibjörg Magnúsdóttir: Reykjarmökkurinn fór ekkert fram hjá manni ...
• Agný: MENGUN FRÁ GRUNDARTANGA VIDEO OG MYNDIR..