Atlantsolía og Orkan lækka verð

Atlantsolía og Orkan hafa lækkað verð á eldsneyti en heimsmarkaðsverð á hráolíu hefur lækkað mikið undanfarna daga. Nemur lækkun á bensínverði tveimur krónum en einni krónu á dísilolíu. Ódýrast er eldsneytið hjá Orkunni en Atlantsolía fylgir fast á eftir.

Á höfuðborgarsvæðinu kostar lítrinn af bensíni 192,30 krónur hjá Orkunni en 192,40 krónur hjá Atlantsolíu. Dísillítrinn kostar 190,30 krónur hjá Orkunni en 190,40 krónur hjá Atlantsolíu.

Annars staðar kostar bensínlítrinn á bilinu 194,40 krónur til 196,50 krónur á höfuðborgarsvæðinu. Dýrast er bensínið hjá Skeljungi sem er móðurfélag Orkunnar sem býður upp á lægsta eldsneytisverðið.

• 3 blogg um fréttina

Bloggað um fréttina

• Njörður Helgason: Eldsneytisverð tilviljanakennt.
• Sigurður Jökulsson: Orkan eltir AO
• Haraldur Haraldsson: Atlantsolía og Orkan lækka verð/alls ekki nógu mikið,og olían minna …