Skattar hækka um tíu milljarða

„Við höfum lokið úrvinnslu á aðhaldsaðgerðum og í raun lokað þeim römmum sem lúta að sértækum ráðstöfunum á útgjaldahlið og tekjuhlið og þannig getum við farið að raða inn í rammana hvernig útkoman verður fyrir einstök ráðuneyti og ríkið í heild.

Þetta er sem sagt að lokast núna á þessum dögum. Nokkurn veginn á áætlun,“ sagði Steingrímur J. Sigfússon fjármálaráðherra á blaðamannafundi í stjórnarráðinu í gær.