Íslandsbanki fjármögnun hefur ákveðið að senda ekki út greiðsluseðla vegna gjalddaga í september á bílalánum og kaupleigusamningum í erlendri mynt.  Áður hafði bankinn frestað gjalddögum í júlí og ágúst á fyrrgreindum lánum, þar sem óvissa ríkti um hvernig haga skyldi endurreikningi þeirra í kjölfar dóms Hæstaréttar frá 16. júní um ólögmæti lánanna.

Beðið eftir dómi Hæstaréttar þann 6. september

„Íslandsbanki fjármögnun hóf að undirbúa endurreikning ofangreindra lána í júlí eftir tilmæli frá Seðlabanka Íslands og FME, og miðar þeirri vinnu vel.  Þann 6. september nk. verður hinsvegar tekið fyrir í Hæstarétti mál sem snýr að vaxtaþætti bílalána og kaupleigusamninga í erlendri mynt.

Niðurstaða Hæstaréttar mun hafa áhrif á endurútreikninga og því er ekki hægt að ljúka við þá fyrr en dómsniðurstaða liggur fyrir síðar í sama mánuði. Af þeim sökum hefur verið ákveðið að fresta gjalddaga fyrir september eins og áður segir," segir í tilkynningu frá Íslandsbanka.

Líkt og fram kom á mbl.is á þriðjudag munu fjármögnunarfyrirtækin Avant og SP-fjármögnun ekki senda út greiðsluseðla vegna gengistryggðra lána um mánaðamótin.

Tengdar fréttir

Dómur Hæstaréttar um gengislán

Lýsing endurreiknar í kjölfar dóma

• Lýsing tapaði þremur málum í héraði
• Íhuga sektir vegna tafa
• Færri prófmál en boðað var
• Ofmeti ekki gengisdóma

» Fleiri tengdar fréttir

• 1 blogg um fréttina

Bloggað um fréttina

• Þórdís Björk Sigurþórsdóttir: Ekki er það nú alveg rétt!