ASÍ leggst gegn mjólkurfrumvarpi

Alþýðusamband Íslands leggst gegn því, að frumvarp landbúnaðarráðherra um framleiðslu, verðlagningu og sölu á búvörum, verði að lögum.

Segir ASÍ meðal annars, að með frumvarpinu sé verið að styrkja og festa frekar í sessi kerfi framleiðslutengdra greiðslna til bænda. Það sé bæði í andstöðu við  stefnu ASÍ og þá þróun sem átti sér stað með gildandi
búvörusamningi. 

Þá telur Alþýðusamband Íslands mikilvægt að auka samkeppni á markaði með landbúnaðarvörur til hagsbóta fyrir neytendur og bændur. Með því megi stuðla að lægra verði til neytenda, bættum vörugæðum, aukinni nýsköpun og vöruþróun og tryggja betur atvinnufrelsi bænda.

• 1 blogg um fréttina

Bloggað um fréttina

• Þorsteinn H. Gunnarsson: Matvælaöryggið ótryggt