„Snýst um friðlýsinguna sjálfa“

Iðnaðarnefnd og umhverfisnefnd Alþingis funduðu með Katrínu Júlíusdóttur iðnaðarráðherra og Svandísi Svavarsdóttur umhverfisráðherra í gær um stöðu Norðlingaölduveitu í ljósi rammaáætlunar og friðlýsingar svæðisins.

Ráðherrarnir hafna því að friðlýsingunni sé stefnt gegn Norðlingaölduveitu. „Það er ekki svo, heldur snýst friðlýsingin um friðlýsinguna sjálfa og það að vernda þetta einstaka svæði. Það þýðir ekki að það sé verið að stefna henni gegn einhverju einu eða öðru. Friðlýsingin snýst um friðlýsingu á forsendum náttúrunnar,“ segirKatrín í Morgunblaðinu í dag.