Ráðherraskipti á morgun

Þingflokkur VG afgreiddi ekki tillögu um breytingar á ráðherraskipan flokksins á þingflokksfundi í dag. Þingflokkurinn mun hugsanlega koma saman aftur í kvöld eða fyrramálið. Stefnt er að því formlega verði gengið frá breytingum á ríkisstjórninni á Bessastöðum á morgun.

Ögmundur Jónasson sagði eftir þingflokksfund VG að hann væri tilbúinn til að taka sæti í ríkisstjórninni á ný. Hvorki Icesave eða umsókn Íslands um aðild að Evrópusambandinu kæmi í veg fyrir það. Þau mál væru í eðlilegum farvegi.

Þingflokkur Samfylkingar sat einnig á löngum fundi í dag. Tillaga um breytingar á ráðherraskipan var ekki rædd á fundinum. Hins vegar hefur þingflokkurinn verið boðaður til fundar snemma í fyrramálið þar sem þessi mál verða rædd.

Flokksstjórn Samfylkingarinnar hefur verið boðuð til fundar kl. 10 í fyrramálið.

• 6 blogg um fréttina

Bloggað um fréttina

• Valdimar Samúelsson: Það er vonandi að hún Jóhanna springi á limminu og …
• Magnús Óskar Ingvarsson: Hrókeringar
• Axel Jóhann Axelsson: Allt á suðupunkti vegna ráðherraskipta
• Benedikta E: "Bakkabræður" - VG - eru glaðbeittir í fatahenginu eftir fundinn …
• Magnús Þór Jónsson: Enn er reynt að blása í glæður!
• Axel Jóhann Hallgrímsson: Unnið með öfugu rassgatinu