Stefnan skiptir máli - ekki einstaklingar

Álfheiður Ingadóttir, heilbrigðisráðherra, sagði í Morgunþætti Rásar 2 að hún gæti ekkert sagt til um það hvort breytingar yrðu á hennar högum en rætt hefur verið um að hún fari úr ríkisstjórninni vegna sameiningar félags- og heilbrigðisráðuneyta í nýtt velferðarráðuneyti.

Álfheiður sagði, að stefnan skipti máli en ekki einstaklingar og það skipti höfuðmáli að hafa sterka og samhenta ríkisstjórn. Hún sagði að ljúka þyrfti gerð fjárlaga svo Íslendingar kæmust fyrir vind í efnahagsmálum. 

Álfheiður sagðist ekki vita hvenær teknar yrðu ákvarðanir um breytingar á ríkisstjórninni. Sagði hún að gert væri ráð fyrir þingflokksfundum stjórnarflokkanna í dag, og á fundi Vinstri grænna myndi formaður flokksins væntanlega leggja fram tillögu um slíkt ef breytingar væru í pípunum. 

• 3 blogg um fréttina

Bloggað um fréttina

• Magnús Óskar Ingvarsson: Bull í Álfheiði
• Ólafur Þórisson: Hvern er verið að plata með þessu?
• Halldór Jóhannsson: Múl í kjaftinn á þeim:)