Krónan þarf að styrkjast meira

„Kjarasamningarnir verða erfiðir. Það er alveg ljóst að eitt af lykilatriðunum í því að koma efnahagsmálum hér í lag er að krónan styrkist frekar þannig að sú leiðrétting geti átt sér stað á þeirri kjaraskerðingu sem orðið hefur frá hruni,“ segir Ólafur Darri Andrason, hagfræðingur ASÍ.

„Hér ég á við leiðréttingu bæði á milli atvinnugreina og í kjörum almennings. Það myndi hjálpa verulega til í þeim kjarasamningum sem framundan eru,“ segir Óalfur Darri, aðspurður um áhrif styrkingar krónunnar á undirbúning kjarasamninga í haust.

Ólafur Darri kveðst gera ráð fyrir að íslenska hagkerfið sé við það að ná botninum í niðursveiflunni.

„Ég óttast hins vegar að vegurinn fram undan geti verið erfiður [...] Hvað varðar styrkingu krónunnar mun hún hjálpa okkur. Sterkara gengi er lykillinn að því að við munum komast skikkanlega í gegnum næstu kjarasamninga.“

Ólafur Darri kveðst aðspurður gera ráð fyrir að viðræðuáætlanir vegna komandi kjarasamninga liggi fyrir um næstu mánaðamót. Kjarasamningar séu lausir í lok nóvember.

Ólafur Darri Andrason, hagfræðingur ASÍ. Þorkell Þorkelsson

• 4 blogg um fréttina

Bloggað um fréttina

• Kristinn Karl Brynjarsson: Capacent og kjarabaráttan.
• Haraldur Haraldsson: Krónan þarf að styrkjast meira/en hvernig má það ske,þegar allt …
• Guðrún María Óskarsdóttir.: Verkalýðshreyfingin taki til í eigin ranni.
• Friðrik Sigurðsson: Hvað er hagfræði???