Laugavegur göngugata í dag

Laugavegi frá Klapparstíg, Bankastræti og Skólavörðustíg frá Bergstaðastræti verður lokað fyrir bílaumferð í dag þar sem fjölmargar uppákomur eru fyrirhugaðar í miðborginni og nágrenni í dag. Léttar hindranir verða settar upp á þessum stöðum en þverumferð bíla verður áfram leyfð um göturnar.

Vegleg dagskrá verður í miðborg Reykjavíkur núna um helgina. Hverfahátíð Miðborgar og Hlíða verður haldin á Klambratúni með danssýningum, tónlistaratriðum, skottmarkaði og fleiru. Óvæntir gestir lögreglunnar koma í heimsókn í Hegningarhúsið á Skólavörðustíg  og Brúðubíllinn sýnir leikritið Afmælisveislan í Bakarabrekkunni. Útimarkaðir og tónlistaratriði verða á Lækjartorgi og Hljómalindarreit.

Kort af götnunum sem verða lokaðar fyrir bílaumferð AF vef Reykjavíkurborgar

• 3 blogg um fréttina

Bloggað um fréttina

• Haraldur Haraldsson: Laugavegur göngugata í dag/þeir velja þá veðrið til þessa,eð hitt …
• Delia Kristín Howser: Hundaganga HRFÍ
• Haraldur Bjarnason: Gott