Gagnrýna fjarveru á fundi borgarstjórnar

Borgarfulltrúar Sjálfstæðisflokks og Vinstri grænna gagnrýna, að hvorki borgarstjóri né formaður borgarráðs hafi verið viðstaddir umræðu um aðgerðaáætlun borgarinnar á fundi borgarstjórnar í dag. 

Jón Gnarr, borgarstjóri, fór til Brussel eftir hádegið, til að kynna verkefnið Reykjavík-Græn borg á ráðstefnu. Fram kemur í dagbók borgarstjóra á Facebook-vefnum, að Jón ætlar að koma aftur til landsins á morgun hress fyrir borgarráðsfund á fimmtudagsmorgun.

Í bókun borgarfulltrúa Sjálfstæðisflokks og VG segir, að  að á síðasta kjörtímabili hafi náðst mikilvæg sátt um markmið og umgjörð          fjárhagsáætlana  í  svonefndum  aðgerðaáætlunarhópi  borgarráðs. Í          aðgerðaáætlun   þeirri   hafi verið  skýr  skilaboð  til  borgarbúa  og        starfsmanna  um  ákvarðanir  um  gjaldskrár,  störf starfsmanna og          grunnþjónustu.  

„Nú   er   komið   langt   inn   í   áætlunarferli fjárhagsáætlana og lítið fer fyrir sátt, ramma eða forgangsröðunar vegna  þeirra  stóru  verkefna  sem framundan eru. Það er því afar ámælisvert  að  hvorki borgarstjóri né formaður borgarráðs, sem er jafnframt  formaður aðgerðahópsins, séu viðstaddir þessa umræðu um stöðu  aðgerðaáætlun borgarinnar og því hafi ekki verið veitt nein  svör  um  þetta  stóra  mál,  nema þau sem komu frá borgarfulltrúa Besta  flokksins  um  að ekki væri hægt að útiloka skattahækkanir,  gjaldskrárhækkanir eða uppsagnir," segir í bókuninni. 

• 6 blogg um fréttina

Bloggað um fréttina

• Guðmundur Jónas Kristjánsson: Sjálfstæðisflokkur með sjálfsgagnrýni í borgarstjórn. Brandari !
• Jón Aðalsteinn Jónsson: Fljótlært
• Axel Jóhann Axelsson: Jón Gnarr í útrás
• Óðinn Þórisson: Besti flokkurinn hækkar gjöld á almenning
• Heimir Lárusson Fjeldsted: Greenistinn Gnarr
• Ólafur Ingi Hrólfsson: Skiptir það máli??