Jenis þekktur fyrir ögranir

Jenis av Rana, þingmaður Miðflokksins í Færeyjum, er þekktur fyrir ögrandi ummæli um menn og málefni, að sögn Johns Williams Jensen, blaðamanns Nordlýsid. Jensen telur að Jenis notfæri sér heimsókn Jóhönnu Sigurðardóttur í pólitískum tilgangi.

Jensen segir að þótt skoðanir séu skiptar um samkynhneigð í Færeyjum sé meirihluti landsmanna ánægður með heimsókn Jóhönnu Sigurðardóttur forsætisráðherra og eiginkonu hennar, Jónínu Leósdóttur.

Jenis sé því í minnihluta í andstöðu sinni við heimsóknina.

Jensen leggur hins vegar áherslu á að umræðan um samkynhneigð sé hitamál í Færeyjum og rifjar upp nýlegur deilur á færeyska þinginu um viðbótarákvæði um rétt samkynhneigðra.

En ákvæðið varðaði lagagrein 266 B þar sem kveðið er á um að hvers kyns mismunun gegn einstaklingum á grundvelli hörundslitar brjóti í bága við lög.

Segir hann lagasetninguna hafa verið naumlega samþykkta á þinginu eftir mikinn alþjóðlegan þrýsting en hún var tilkominn vegna árásar á samkynhneigðan mann á skemmtistað í Þórshöfn.

Jensen kveðst aðspurður telja að meirihluti þingmanna myndi samþykkja lög um hjónabönd samkynhneigðra kæmi til atkvæðagreiðslu nú.

Slík atkvæðagreiðsla myndi hins vegar vekja harðar deilur.

• 2 blogg um fréttina

Bloggað um fréttina

• Frikkinn: Fordómar í okkur
• Heimir Lárusson Fjeldsted: Av rana ertu kominn