Veðurguðir óvilhallir Jóhönnu

Veðrið setti strik í opinbera heimsókn Jóhönnu Sigurðardóttur heimsóknar til Færeyja í dag og var varaáætlun því sett í gang. Til stóð að Jóhanna færi út í eyjuna Koltur vestur af Straumey og var í staðinn ákveðið að skoða mannvirki við bryggjuna á Velbstad. 

Þetta kemur fram á vef Portal en þar segir að Jóhanna hafi skoðað höfuðstöðvar bruggfyrirtækisins Okkara (sjá mynd), heimsókn sem lauk með því að bragðað var á miðinum.

Jóhanna hélt næst í Norræna húsið í Færeyjum en síðan stóð til að taka hús á Listasafni Færeyja og Fornminjasafninu, að því er vefur Portal greinir frá.

Dagskránni í dag lýkur svo með kvöldverði í Kirkjubæ á Straumey í boði forsætisráðherra Færeyja.

Leiðtogar ræða málin

Í fyrramálið snæðir Jóhanna morgunverð í Þinganesi með íslenskum gestum og fulltrúum færeysku sjtórnarinnar.

Að því loknu funda forsætisráðherrar ríkjanna en Jóhanna heldur svo heim á leið seinnipartinn á morgun.

Sagt er frá heimsókninni á Facebook-síðu brugghússins Okkara.

• 1 blogg um fréttina

Bloggað um fréttina

• Haraldur Bjarnason: Óvilhallir færeyskir guðir