Risaskip í Sundahöfn

Stærsta skemmtiferðaskipið, sem hingað kemur í sumar, er væntanlegt til Reykjavíkur í dag.

Skipið heitir Crown Princess og er 113.651 lestir að stærð. Áformað er að það leggist að Skarfabakka í Sundahöfn klukkan 13 og láti úr höfn klukkan 19. Farþegar eru á fjórða þúsund talsins og 1.200 manns eru í áhöfninni. Skipið kom hingað í byrjun ágúst og er nú í lokaferð sinni hingað í sumar.