Segir makríldeilu geta hindrað ESB-aðild

Alex Salmond, forsætisráðherra skosku heimastjórnarinnar, segir að embættismenn Evrópusambandsins þurfi að taka harða afstöðu gegn auknum makrílveiðum Íslendinga og Færeyinga og telur að makríldeilan geti jafnvel hindrað aðild Íslands að sambandinu. Skoska blaðið The Scotsman hefur þetta eftir forsætisráðherranum.

„Skoska stjórnin er fremst í flokki þeirra sem krefjast þess að Evrópusambandið bregðist hart við ábyrgðarlausri hegðun Íslendinga og Færeyinga,“ sagði Salmond á skoska þinginu þegar hann svaraði fyrirspurnum þingmanna.

Forsætisráðherrann kvaðst hafa rætt málið við utanríkisráðherra Noregs. „Skotar og Norðmenn eru þær fiskveiðiþjóðir sem verða mest fyrir barðinu á þessu. Við samþykktum að halda áfram að knýja framkvæmdastjóra ESB til að taka harða afstöðu gegn þessari hegðun. Sjávarútvegsráðherra okkar er í reglulegu sambandi við framkvæmdastjóra ESB sem hefur verið fullvissaður um að þetta sé forgangsmál Evrópusambandsins. Og þetta mál hefur verið sett á oddinn í viðræðunum um hugsanlega aðild Íslands,“ hefur The Scotsman eftir skoska forsætisráðherranum.

• 9 blogg um fréttina

Bloggað um fréttina

• Sigurður Sigurðsson: Var þessi frétt skrifuð á skrifstofu LÍÚ.
• Þráinn Jökull Elísson: Guð gefi að svo verði.
• Guðbjörn Guðbjörnsson: Heimssýn hræðist breytingar á viðhorfi landsmanna
• Jón Á Grétarsson: Ísland úthluti ESB kvóta?
• Ingvi Rúnar Einarsson: Eru Skotar að hjálpa ESB-andstæðingum?
• Kjartan Sigurgeirsson: Allir út að veiða makríl.
• S i g u r ð u r S i g u r ð a r s o n: Hótun og hefnd er æ meira ráðandi
• Magnús Sigurðsson: Það mun sameina Íslendinga.
• Sigurjón Þórðarson: Alex Salmond sveik sjómenn