Viðar Már skipaður dómari

Viðar Már Matthíasson, prófessor við lagadeild Háskóla Íslands, hefur samkvæmt tillögu Ögmundar Jónassonar dómsmála- og mannréttindaráðherra verið skipaður dómari við Hæstarétt Íslands frá og með deginum í dag.

Aðrir umsækjendur um embættið voru: Sigríður Ingvarsdóttir héraðsdómari, Sigrún Guðmundsdóttir héraðsdómari,  og Þorgeir Örlygsson, dómari við EFTA-dómstólinn í Lúxemborg.

Viðar Már og Þorgeir voru metnir hæfastir til þess að gegna embættinu, samkvæmt umsögn hæfisnefndar. Hann tekur sæti Hjördísar Hákonardóttur, sem baðst lausnar fyrir aldurs sakir í sumar.

Viðar Már er 56 ára að aldri.  Hann lauk embættisprófi í lögum frá Háskóla Íslands 1979 og lagði stund á framhaldsnám við erlenda háskóla. Hann hefur verið prófessor við lagadeild Háskóla Íslands frá árinu 1996 og þrívegis verið settur dómari við Hæstarétt tímabundið. 

• 4 blogg um fréttina

Bloggað um fréttina

• Axel Jóhann Hallgrímsson: Eru allir sáttir, hvað er að gerast?
• Viggó Jörgensson: Röðin löngu kominn að Viðari Má.
• Sigurður Sigurðsson: Kæra þetta strax til jafnréttisráðs
• Þorsteinn H. Gunnarsson: Dómsmálaráðherrar á lýðveldistímanum