Gangnamaðurinn heill á húfi

Gangnamaðurinn sem leitað hefur verið að í dag er kominn fram heill á húfi. Hann gekk niður að bænum Ketu á Skaga og er talið að hann hafi gengið um 20 km. Maðurinn fannst um kl. 22. Hann er ómeiddur en nokkuð hrakinn og kaldur eftir langa göngu í slæmu veðri.

Um 50 björgunarsveitarmenn leituðu að manninum í dag. Búið var að kalla út þyrlu Landhelgisgæslunnar, leitarhunda og setja björgunarsveitir á Vesturlandi í viðbragðsstöðu.

Maðurinn, sem var rúmlega fertugur, var með hest sinn í taumi þegar hann kom fram á bænum Ketu, sem er við norðvestanverðan Skagafjörð. Leitarmenn sem rætt var við í kvöld telja það mikið þrekvirki af manninum að hafa gengi alla þessa leið. 

Sumir af þeim sem voru með manninum í fjárleitinni í dag fór aftur upp á Skaga til að leita að manninum eftir að hafa komið fénu í girðingu.

• 6 blogg um fréttina

Bloggað um fréttina

• Helga R. Einarsdóttir: GaGnamaður? á ferð um skaga
• Ólafur Ragnarsson: "Önnur jákvæð"
• Björn Birgisson: Allt er gott sem endar vel
• Sigurður Haraldsson: Flott.
• Ólafur Ingi Hrólfsson: Gagn að manninum?
• Sveinn Sigurður Kjartansson: "Maðurinn sem var rúmlega fertugur..."