Tafir hafa stórskaðað atvinnuuppbyggingu

Á aðalfundi Samtaka sveitarfélaga á Suðurnesjum um helgina var skorað áa stjórnvöld að Tryggja eðlilegan framgang atvinnuuppbyggingar á
Suðurnesjum.

„Tafir á afgreiðslu raflínulagna, virkjanaleyfa, skattabreytinga vegna gagnavera, leyfa til nýtingar skurðstofa og fyrirgreiðslu við hafnarframkvæmdir eru alvarleg dæmi sem hafa stórskaðað uppbyggingu Suðurnesjamanna," segir m.a. í ályktuninni.

Þá segir, að þau atvinnutækifæri, sem unnið hafi verið að á undanförnum árum á Suðurnesjum s.s. álver, kísilver, gagnaver, ECA flugverkefni, einkasjúkrahús, Fisktækniskóli og skólasamfélagið Keilir, geti skapað þúsundir starfa á næstu mánuðum og stórbætt efnahag þjóðarinnar allrar um leið og staða íbúa og sveitarfélaga á Suðurnesjum gjörbreytist til hins betra.

• 3 blogg um fréttina

Bloggað um fréttina

• Ólafur Ragnarsson: "einskonar vírusvörn "
• Einar Guðjónsson: Skuldasöfnun og spilling aðalatvinnuvegirnir.
• Heimir Lárusson Fjeldsted: Hönd dauðans leggst yfir mannlífið