„Þetta er að mínu viti sú leið sem mesta sáttin getur orðið um í samfélaginu. Niðurstaðan er jákvæð fyrir fjármálakerfið og landsmenn alla,“ segir Magnús Gunnarsson, framkvæmdastjóri fjármögnunarfyrirtækisins Avant um niðurstöðu Hæstaréttar í ágreiningi um vexti erlendra bílalána.

Eignir Avant minnkuðu um 10 milljarða kr. þegar Hæstiréttur dæmdi gengisbundin bílalán ólögleg. Avant var í eigu Askar Capital og þegar móðurfélagið varð gjaldþrota var skipuð bráðabirgðastjórn yfir Avant. Hún hefur unnið að undirbúningi nauðasamninga. Magnús telur að niðurstaða Hæstaréttar í vaxtamálinu auki líkur á að það ferli gangi eftir.

Magnús segir að nú verði unnið hratt og vel úr málum en fyrirtækið hefur ekki sent út greiðsluseðla vegna gengisbundinna bílalána frá því í júní. Reynt verður að senda út greiðsluseðla í byrjun október, á þeim grundvelli sem dómurinn skapar, eins og Seðlabankinn og Fjármálaeftirlitið hafa mælst til. Magnús segir að fólk eigi ekki von á margra mánaða uppsöfnuðum kröfum heldur eðlilegri mánaðargreiðslu.

Tengdar fréttir

Dómur Hæstaréttar um gengislán

Lýsing endurreiknar í kjölfar dóma

• Lýsing tapaði þremur málum í héraði
• Íhuga sektir vegna tafa
• Færri prófmál en boðað var
• Ofmeti ekki gengisdóma

» Fleiri tengdar fréttir

• 2 blogg um fréttina

Bloggað um fréttina

• Sigurður Sigurðsson: Voru þessir glæponar ekki rúllaðir
• Sigurður Haraldsson: Er þetta ránafyrirtæki ekki farið á hausinn?