Fyrir öllu að fá niðurstöðu
Setja bókamerki
„Það er komin niðurstaða og það er fyrir öllu,“ segir Halldór Jörgensson, forstjóri Lýsingar, um dóm Hæstaréttar í ágreiningi um vexti af erlendum bílalánum.
Halldór segir að framundan sé mikil vinna við úrvinnslu mála. „En það er þó hægt að vinna út frá einhverju og löngu kominn tími á það,“ segir hann.
Forstjóri Lýsingar segir að enn eigi eftir að skera úr um ýmis álitamál, til dæmis þegar eigendaskipti hafa orðið á bílum. Vonast hann til að frumvarp efnahags- og viðskiptaráðherra taki á sem flestum vafamálum.
Reiknað er með að hægt verði að endurreikna meginhluta lána viðskiptavina Lýsingar og gera viðkomandi grein fyrir stöðunni í byrjun næsta mánaðar. Halldór tekur fram að ekki sé víst að hægt verði að ganga frá öllum málum á þeim tíma.
„Þetta er þungt högg en viðráðanlegt,“ segir Halldór um áhrif dómsmálanna um lögmæti erlendra bílalána á rekstur og stöðu fyrirtækisins.
Óttast að fólk fari aftur að eyða peningum
Heitt vatn fannst sem gæti annað 10 þúsund manns
Sáu eldgosið brjótast út frá Snæfellsnesi
Búseta skortir byggingarlóðir
Einar skorar á næstu ríkisstjórn
Tekist á um áður óþekkta skýrslu landlæknis
Gosið gæti varað lengur: Meiri fyrirstaða í gosrásinni