Talaði fyrir hagsmunum þjóðarinnar

Ólafur Ragnar Grímsson, forseti Íslands, sagðist í viðtali við Útvarpið hafa verið að tala fyrir hagsmunum þjóðarinnar í viðtali, sem hann veitti Bloomberg fréttastofunni þar sem hann lýsti efasemdum Íslendinga um aðild að Evrópusambandinu.

„Aðgerðir Breta og Hollendinga, sem nutu lengi stuðnings Evrópusambandsins, hafa vakið upp spurningar í hugum margra Íslendinga: Hvers konar klúbbur er þetta eiginlega?" hafði Bloomberg eftir Ólafi Ragnari.

Ólafur sagði við Útvarpið, að hann hefði verið að lýsa hinum ýmsu skoðanastraumum sem eru hér á landi um Evrópusambandið og  viti ekki hvaða áhrif ummælin kunni að hafa á Icesave-deiluna.  Hins vegar hafi megintilgangur ummælanna ekki verið að reyna að hafa áhrif á Breta og Hollendinga heldur hafi hann aðeins verið að reyna fyrir hönd þjóðarinnar að flytja málstað sem hann telji réttan og sanngjarnan. Það hafi skilað árangri. 

• 1 blogg um fréttina

Bloggað um fréttina

• Ómar Geirsson: "Æ, Ólafur, afhverju sagðir þú satt????"