Óvarlegt að tala svona

„Mér finnst einkennilegt að fjármálaráðherra skuli hafa ákveðið að tala eins og hann gerði við hollenska fjölmiðla á þessum tímapunkti,“ segir Ólöf Nordal, varaformaður Sjálfstæðisflokksins. Tilefnið er ummæli Steingríms J. Sigfússonar um Icesave í viðtali við hollenskt dagblað.

Fjármálaráðherra sagði í samtali við De Telegraaf að Hollendingar hafi ekkert að óttast í Icesave-deilunni. Ísland muni greiða hollenskum sparifjáreigendum það fé sem þeir töpuðu vegna Icesave-reikninganna.

Ólöf telur þetta óheppilegt í ljósi þess að einhverjar viðræður eru í gangi við Hollendinga og Breta og ekki síst vegna þess að stjórnvöld eru í samskiptum við ESA, Eftirlitsstofnun EFTA, vegna málsins og Íslendingar þurfi að halda sjónarmiðum sínum á lofti, um að ekki sé ríkisábyrgð á þessum reikningum. 

„Ég tel það óvarlegt að lofa Hollendingum hinu og þessu og auðvelt að misskilja það,“ segir Ólöf.

• 4 blogg um fréttina

Bloggað um fréttina

• Björn Birgisson: Er nauðsynlegt að taka mark á orðum Ólafar Nordal?
• Jakobína Ingunn Ólafsdóttir: Dularfyllsta mál aldarinnar
• Ólafur Ingi Hrólfsson: SJS talar - ÓN talar -
• Benedikta E: Þingið á að víta og lýsa vantrausti á Steingrím Joð …