Verði þingsályktunartillögunum tveimur frá þingmannanefndinni um ákærur á hendur fyrrverandi ráðherrum vísað til allsherjarnefndar eru taldar ákveðnar líkur á að ekki náist að ljúka afgreiðslu þeirra á þessu haustþingi og verður þá málið komið aftur á upphafsreit.

Þetta er mat ákveðinna þingmanna sem telja að vendipunktur verði í málinu í dag þegar greidd verða atkvæði um hvort vísa beri málinu til þingmannanefndarinnar eða til allsherjarnefndar líkt og Ragnheiður Elín Árnadóttir gerði tillögu um í gær.

Mikill óróleiki hefur verið á meðal stjórnarþingmanna í kjölfar gagnrýni Jóhönnu Sigurðardóttur forsætisráðherra á málsmeðferð þingmannanefndarinnar og efasemda hennar um hvort Alþingi ætti að samþykkja tillögur um að ákæra þrjá eða fjóra fyrrverandi ráðherra. Gaf þingflokkur VG út tilkynningu í gær þar sem lýst var yfir fullu trausti til nefndarinnar.

Tengdar fréttir

Landsdómur

Biðst afsökunar á sínum hlut í Landsdómsmálinu

• Vill að þingið biðji ráðherra afsökunar
• Tenging við Pólland langsótt
• Á von á skiptum skoðunum
• Alþingi álykti að málshöfðun hafi verið röng

» Fleiri tengdar fréttir