Yfir milljón tonn af makríl í lögsögunni

Talið er að yfir milljón tonn af makríl hafi verið í íslenskri lögsögu í sumar, meira en nokkru sinni fyrr.

Forystumenn Hafrannsóknastofnunar kynntu rannsóknir á útbreiðslu makríls í lögsögunni á fundi með fulltrúum frá Evrópusambandinu í gær og þar komu þessar upplýsingar fram.

Minna hefur orðið vart við makríl síðustu daga og virðist hann á leið út úr lögsögunni eins og gerist á haustin. Norsk-íslenska síldin virðist hafa hopað fyrir makríl á hefðbundnum slóðum sínum í sumar. Eins var síldin seinni að fita sig en síðustu ár, að því er fram kemur í umfjöllun um þessi mál í Morgunblaðinu í dag.

.