Veitingastaðir sektaðir

Neytendastofa hefur sektað tvo veitingastaði fyrir að fara ekki að tilmælum um verðmerkingum. Hefur Neytendastofa nú sektað þrjá veitingastaði í Reykjavík fyrir slík brot á nokkrum dögum.

Er það Fiskmarkaðurinn og Potturinn og Pannan sem nú fengu 50.000 króna sekt hvor fyrir að fara ekki að tilmælum Neytendastofu um verðmerkingar.

Í síðustu viku greindi Neytendastofa frá því að stofnunin hafi sektað Ruby Tuesday fyrir að hafa ekki matseðil með verði við inngöngudyr eins og verðmerkingareglur gera ráð fyrir. Neytendastofa hefur nú einnig sektað Fiskmarkaðinn og Pottinn og Pönnuna fyrir sama brot.