Skuldarar voru komnir í vanda
Setja bókamerki
Skuldafenið sem þúsundir einstaklinga eru fastir í var tilkomið fyrir bankahrunið, að sögn Friðberts Traustasonar, formanns Samtaka starfsmanna fjármálafyrirtækja. Hann segir marga skuldara hafa verið komna í óefni með fjármál sín áður en kreppan reið yfir. Hann telur bankamenn ekki of marga.
Friðbert bendir þannig á að margir skuldarar hafi verið búnir að reisa sér hurðarás um öxl þegar bankakerfið hrundi. Því sé ekki hægt að kenna bankahruninu eingöngu um stöðu þeirra í dag.
Hann vísar jafnframt þeim ummælum Jafets Ólafssonar, framkvæmdastjóra fjárfestingafélagsins Veigurs, á bug að starfsmenn í bankageiranum séu um fimmtungi of margir.
Máli sínu til stuðnings bendir Friðbert á að starfsmönnum í bankakerfinu hafi fækkað úr hátt í 6.000 niður í um 4.300 í dag. Annar mælikvarði sé að bankarnir hafi lokað 20 útibúum frá hruni og því hagrætt mikið í rekstrinum. Til að mynda hafi Landsbankinn fækkað útibúum úr 65 þegar mest var niður í 35 og er þá miðað við hámarksfjölda útibúa áður en hagræðing hófst fyrir hrun.
Beint: Eldgos hafið við Stóra-Skógfell
Einar skorar á næstu ríkisstjórn
Átti ekki að láta pirring bitna á sjúklingi
Hraunið náð Njarðvíkuræð: Fylgjast með raflínu
Spara stórfé með olíukaupum ytra
Hraun fór yfir Grindavíkurveg
Borgin verður af milljörðum eftir dóm Hæstaréttar