Ekki sekur frekar en Brown eða Bush

Geir H. Haarde, fyrrverandi forsætisráðherra, segir í samtali við breska dagblaðið Financial Times, að hann beri ekki ábyrgð á fjármálahruninu frekar en George Bush eða Gordon Brown. Kreppan hafi komið öllum á óvart.

Í viðtalinu segir hann að ástæða þess að Alþingi hafi ákveðið að draga hann fyrir landsdóm séu pólitískar. Margt hafi farið úrskeiðis í aðdragenda hrunsins og alltaf sé auðvelt að vera vitur eftir á. Það séu hins vegar eigendur og stjórnendur bankanna sem beri lagalega ábyrgð á hruninu, en ekki stjórnmálamenn.

Í blaðinu segir að Geir sé fyrsti þjóðarleiðtoginn sem sé ákærður vegna fjármálakreppunnar. Geir segir í viðtalinu að Alþingi hafi sett skelfilegt fordæmi með ákærunni.

• 4 blogg um fréttina

Bloggað um fréttina

• Axel Jóhann Axelsson: VG og Samfylkingarþingmenn ómerkilegastir í heimi?
• Páll Vilhjálmsson: Geir H. er samfylkingarsekur
• Svanur Gísli Þorkelsson: Geir H. Haarde skal fórnað
• Óðinn Þórisson: Geir H. Haarde