Raforkuverð hækkaði um mánaðamótin

Orkuveita Reykjavíkur hækkaði verð á raforku um 11% um síðustu mánaðamót.  Einnig hækkaði Orkubú Vestfjarða raforkuverð um 5,3%.  Þetta er í annað sinn á árinu sem þessir orkusalar hækka verð. 

Á vef Orkuvaktarinnar er að finna samanburður á raforkuverði í samásölu.

Orkusali 1. janúar [kr/kWst] 1. október [kr/kWst] Hækkun á árinu Fallorka 4,17 4,51 8,2% HS Orka 4,08 4,39 7,6% Orkubú Vestfjarða 4,01 4,35 8,5% Orkusalan 4,11 4,45 8,3% Orkuveita Reykjavíkur 3,94 4,61 17,0%

Orkubú Vestfjarða býður samkvæmt þessu hagstæðasta verð á almennum orkutaxta en hún hentar heimilum og litlum fyrirtækjum.  Þess ber að geta að orkusalar bjóða flestir afsláttarkjör til fyrirtækja gegn samningum til nokkurra ára.

Heildarkostnaður vegna raforkukaupa fyrirtækja skiptist í dreifingu, flutning, orku og orkuskatt.  Hlutur orku er nálægt helmingi af heildarkostnaði svo áhrif hækkana á heildarkostnað raforku er gróflega um helmingur. Þannig hækkar heildarkostnaður á dreifiveitusvæði OR um 5,7%.

Stofnanir og heimili fá ekki endurgreiðslu á virðisaukaskatti svo hann bætist við heildarkostnað þeirra.  Hlutfallsleg hækkun verður þó sú sama, þ.e. 5,7%.