Borgarafundur boðaður á Húsavík

Mikil gremja og reiði er meðal Þingeyinga með niðurskurðartillögur stjórnvalda til reksturs Heilbrigðisstofnunar Þingeyinga, samkvæmt frétt á vef verkalýðsfélagsins Framsýnar.

 Til að bregðast við þessum áformum verður boðað til borgarafundar næsta fimmtudag klukkan 17:00 í félagsheimilinu á Húsavík. Þingmönnum kjördæmisins, auk heilbrigðisráðherra og fjármálaráðherra, hefur verið boðið að sitja fundinn.

„Stéttarfélögin skora á Þingeyinga að fjölmenna á fundinn. Þá skora stéttarfélögin jafnframt á alla Þingeyinga, sem hafa aðgang að flaggstöngum, að flagga í hálfa stöng á fimmtudaginn og sýna þannig í verki samstöðu gegn þessum tillögum, sem munu verulega raska búsetuskilyrðum á svæðinu gangi þær eftir," segir á vef Framsýnar.

• 4 blogg um fréttina

Bloggað um fréttina

• S i g u r ð u r S i g u r ð a r s o n: Ríkisstjórnin leggur Húsavík í einelti
• Sigurður Haraldsson: Læt stjórnvöld heyra það!
• Haraldur Hansson: Guttavísur
• (netauga): „ Í Þingeyjarsýslum er verið að fremja hryðjuverk “