Sameiginleg þingmannanefnd Íslands og ESB

Sameiginleg þingmannanefnd Íslands og Evrópusambandsins verður stofnuð formlega á morgun. Sameiginlegri þingmannanefnd, sem skipuð er þingmönnum Evrópuþingsins og þjóðþings umsóknarríkis, er ætíð komið á fót í aðildarviðræðuferli. 

Hlutverk sameiginlegu þingmannanefndarinnar verður að fylgjast með samskiptum Íslands og Evrópusambandsins og þá sérstaklega umsóknar- og aðildarviðræðuferlinu. Hin sameiginlega þingmannanefnd Íslands og Evrópusambandsins samanstendur af 18 þingmönnum, níu frá Alþingi og níu frá Evrópuþinginu.

Í nefndinni sitja Árni Þór Sigurðsson, sem er formaður, Bjarni Benediktsson,       Jónína Rós Guðmundsdóttir, Sigmundur Davíð Gunnlaugsson,  Valgerður Bjarnadóttir, Þorgerður K. Gunnarsdóttir, Þórunn Sveinbjarnardóttir, Álfheiður Ingadóttir og Margrét Tryggvadóttir.

Evrópuþingmenn í nefndinni eru Pat the Cope Gallagher, formaður, Írlandi, Petru Luhan, Rúmenínu,   Indrek Tarand, Eistlandi, Søren Bo Søndergaard, Danmörku, Francesco Enrico Speroni, Ítalíu og Cristian Dan Preda, Rúmeníu.

• 2 blogg um fréttina

Bloggað um fréttina

• Guðlaugur Hermannsson: Nú er stutt í inngöngu Íslands inn í ESB. Náum …
• Guðmundur Jónas Kristjánsson: Sjálfstæðisflokkur og Framsókn taka þátt í ESB-ferlinu