Svandís áfrýjar dómi

Svandís Svavars­dótt­ir, um­hverf­is­ráðherra, hef­ur ákveðið að áfrýja dómi héraðsdóms um aðal­skipu­lag í Flóa­hreppi til Hæsta­rétt­ar. Hún seg­ir þær leiðbein­ing­ar sem komi fram í niður­stöðum héraðsdóms um hverj­ir geti tekið þátt í að greiða kostnað við aðal­skipu­lag séu of óljós­ar og þörf sé á skýr­ari lín­um. Hún mun krefjast þess að Hæstirétt­ur staðfesti rétt henn­ar til að neita að staðfesta skipu­lagið.

Svandís neitaði á sín­um tíma að staðfesta aðal­skipu­lag Flóa­hrepps á þeirri for­sendu að Lands­virkj­un hefði tekið þátt í að greiða kostnað við skipu­lagið, en skipu­lagið ger­ir ráð fyr­ir Urriðafoss­virkj­un. Sveit­ar­fé­lagið ákvað að höfða mál gegn ráðherra og niðurstaða Héraðsdóms Reykja­vík­ur var að ráðherra hefði ekki haft heim­ild til að synja aðal­skipu­lagi Flóa­hrepps staðfest­ing­ar. Fram­kvæmdaaðilum, eins og Lands­virkj­un, væri ekki óheim­ilt að taka þátt í kostnaði við aðal­skipu­lag sveit­ar­fé­laga.

Í sam­tali við mbl.is sagði Svandís að héraðsdóm­ur hefði byggt á að þar sem í lög­un­um væri ekki tekið fram hverj­ir mættu ekki greiða fyr­ir skipu­lags­vinnu, þyrfti að leggja mat á slíkt hverju sinni. „Það er mín skoðun að þessi veika leiðsögn héraðsdóms sé ekki nóg, hvorki fyr­ir sveit­ar­fé­lög né skipu­lags­yf­ir­völd,“ sagði hún. Lög­in væru aug­ljós­lega ekki nógu skýr og ef skýra þyrfti lög­gjöf­ina gæti verið gott að fá leiðsögn dóm­stóla. „Þannig að þetta snýst nú ekki um tap eða sig­ur í mín­um huga, held­ur að við búum að við búum þess­um mik­il­væga mála­flokki, skipu­lags­mál­um, nægi­lega skýr­an lag­aramma þannig að all­ir búi við réttarör­yggi, bæði sveit­ar­fé­lög og önn­ur stjórn­völd.“

Svandís Svavars­dótt­ir.

• 11 blogg um frétt­ina

Bloggað um frétt­ina

• Ein­ar Guðjóns­son: Rétt hjá ráðherr­an­um
• Gunn­ar Th. Gunn­ars­son: Tapað mál en skítt með það
• Sig­ur­björn Sveins­son: Svandís hlýt­ur að sjá ljósið
• Ívar Páls­son: Svandís kom­in með ABS- brems­ur
• Axel Jó­hann Hall­gríms­son: Fram, fram aldrei að víkja
• Þor­steinn Val­ur Bald­vins­son: Fer vel með al­manna­fé eða hvað
• Hreinn Sig­urðsson: Einn­beitt gegn at­vinnu
• Krist­inn Karl Brynj­ars­son: Hin þrönga laga­hyggja Svandís­ar.
• Ómar Sig­urðsson: Svandís er Tali­bani
• Gunn­ar Heiðars­son: Öfga­fólk er alltaf hættu­legt!
• Sig­urður Sig­urðar­son: Betra að vinna en vinna.