Þráinn í Þingvallanefnd

Þráinn Bertelsson, þingmaður VG, mun taka sæti í Þingvallanefnd, en tilkynnt var á Alþingi í kvöld að samflokksmaður hans, Þuríður Backman, hefði sagt af sér.

Þessi breyting er hluti af breytingum sem þingflokkur VG er að gera á skipan fulltrúa í nefndir. Þar sem Þingvallanefnd er ekki þingnefnd þarf fulltrúi í henni sem vill hætta að segja af sér með formlegum hætti. Þingnefndir eru hins vegar endurskipaðar í upphafi hvers þings.

Samfylkingin ætlar líka að kjósa nýjan varaforseta því að Sigríður Ingibjörg Ingadóttir hefur sagt af sér sem þriðji varaforseti Alþingis. Kristján Möller verður nýr varaforseti. Sigríður Ingibjörg varð varaforseti þegar Steinunn Valdís Óskarsdóttir hætti á þingi.

• 5 blogg um fréttina

Bloggað um fréttina

• Björn Birgisson: Þráinn skundar á Þingvöll
• Guðjón Sigþór Jensson: Opið bréf til Þráins Bertelssonar
• Guðrún María Óskarsdóttir.: Hið pólítíska plott.
• Sigurður Hrellir: Nýtt Alþingi á Þingvöllum
• Guðmundur Paul: Höfuðskáld íslensku þjóðarinnar