Mörður spyr um málefni nímenninganna

Mörður Árnason, þingmaður Samfylkingarinnar, hefur lagt fram fyrirspurn til forseta Alþingis um málefni nímenninganna svokölluðu, sem eru sakaðir um að hafa gert árás á Alþingi 8. desember 2008.

Mörður óskar eftir skriflegum svörum en spurningarnar eru eftirfarandi:

1. Með hvaða hætti ræðir skrifstofustjóri Alþingis um 100. gr. hegningarlaga í beiðni sem hann sendi lögreglustjóra höfuðborgarsvæðisins 19. desember 2008 vegna atvika í Alþingishúsinu 8. þess mánaðar?
   
   
2. Telur forseti að þessi grein hegningarlaga, um mann „sem ræðst á Alþingi, svo að því eða sjálfræði þess er hætta búin,“ eigi við um atvikin sem til báru 8. desember 2008?

• 2 blogg um fréttina

Bloggað um fréttina

• Guðmundur Paul: skrifleg fyrirspurn til Marðar
• Hörður B Hjartarson: Það urðu á mistök Mörður !