Innlent | mbl | 8.10.2010 | 22:00

Össur: Aldrei spurning um Icesave

Össur Skarphéðinsson. Reuters

„Spurningin var aldrei hvort Ísland vildi borga eða ekki. Spurning snerist um [...] tímavirði upphæðarinnar, vextina sem við þurfum að greiða,“ sagði Össur Skarphéðinsson utanríkisráðherra í samtali við eistneska útvarpið í dag en hann er nú í opinberri heimsókn í Eistlandi.

Fram kemur á vef útvarpsins að Össur telji að samningaviðræður Íslendinga, Hollendinga og Breta gangi „býsna vel“.

Þá er haft eftir Össuri að andrúmsloftið í viðræðunum sé nú vinsamlegra en fyrr enda séu kosningar að baki í Hollandi og Bretlandi.

Vekur sú greining athygli enda hafa hollensk stjórnvöld ekki tilkynnt opinberlega að þau séu reiðubúin að draga í land í viðræðunum.